冷凍溶脂其實就好似iPhone一樣，每年都有新版本推出，亦都會優化舊有版本。如果你俾錢進行冷凍溶脂療程，就梗係希望有最佳減肥效果！本文將會比較香港較為著名的冷凍溶脂技術，詳細講解最新的價錢，與及新冷凍溶脂機可以帶來什麼效果。無論你係冷凍溶脂初心者定係老江湖，都可以一次溫故知新！
問：冷凍溶脂其實採用什麼原理？
答：其實進行任何療程之前，最緊要就係先去判斷究竟背後的技術是否具備科學原理，因為如果科學原理充分，就算操作係由比較新的美容師負責，都會有相當好的效果。相反，如果背後原理不充分冇科學方法獲得良好效果，就算醫生都神仙難救。
冷凍溶脂原理係用極低溫度令到脂肪細胞晶化，經過處理後的脂肪細胞部份會出現凋謝、死亡的狀態。經過這種極低溫度處理之後，這些已經不再活躍的脂肪細胞，就會隨着新陳代謝排走。整個過程大約三個月至四個月左右，就會開始見到初步的冷凍溶脂效果。
冷凍溶脂效果其實係需要時間慢慢逐步見到，整個過程最少係需要三個月！如果你需要快速見到減肥纖體效果，建議你採用另有一種可以比較快見到效果的做嘅減肥方法，叫做熱光溶脂。
問：現時最新一代的冷凍溶脂技術，效果同上一代有什麼分別？
答：做機減肥冷凍溶脂，可能好多人都已經聽過Coolsculpting。再提一提大家，Coolsculpting係屬於其中一個比較大型的冷凍溶脂牌子，但市場上其實仲有好多不同冷凍溶脂品牌！正如iPhone係智能手機主要品牌，但市場上仍然有Samsung、HTC等等其他的品牌，提供相類似技術。
無論純在冷凍技術上，或者整體的做機減肥技術上（冷凍、熱能、電磁波、超聲波），Coolsculpting也不是最嶄新最尖端的科技。過去幾年好多新技術例如Emsculpt增肌減脂、SWISS REJU 熱光溶脂等都已經喺市場獲得極大正面迴響認為效果出眾，所以冷凍溶脂技術亦都急起直追，推出了新一代叫做Coolsculpting Elite！
Coolsculpting Elite是傳統機器的最新一代，和舊式的冷凍溶脂，有幾個主要的分別。
機器的探頭大小：新一代的Coolsculpting Elite在機器的探頭設計上比上一代有所進步。大小其實有調整，令到每一次可以進行療程的範圍得意擴大，大約加大了18%，有助更有效地進行纖體療程，和舊一代比較，就算一次療程的效果範圍都會比較大。
可以同時進行兩個身體部位：Coolsculpting Elite的獨特設計，可以同時為身體兩個部位發春冷凍能量，令到做機減肥的效果可以盡快獲得。
舒適程度有所改善：過往做過冷凍溶脂的朋友仔都可能會有一種感受，認為可能冷凍溶脂係有啲效果，不過過程其實都幾唔舒服。做過都知道有種好似被搣住嘅感覺。新一代技術其實稍為減輕呢個副作用。
所以，如果你正在比較市場上不同的冷凍溶脂技術與及效果，可以認住Coolsculpting Elite，最新一代技術。
冷凍溶脂除咗以上所講嘅Coolsculpting Elite品牌之外，亦都有其他有關品牌，例如韓國很多人使用的Coolshaping，也推出新一代Coolshaping 2，設計外觀、效果上其實都有所優化和改善！
問：冷凍溶脂價錢和效果：點樣比較抵唔抵？
答：市場上經常都會有人詢問有關冷凍溶脂價錢問題。網上亦都有唔少資料，討論同披露最新的冷凍溶脂價錢。呢種睇法其實都幾表面同片面。因為冷凍溶脂同其他普通消費品並不相同，比較價錢之前其實係要睇「冷凍溶脂效果」。
冷凍溶脂如果因為品牌不佳導致冷凍溶脂欠效果，無論幾平都係比貴咗！如果冷凍溶脂效果只係短期，而好快反彈，亦都唔值得花費太多金錢！
冷凍溶脂價錢，一定要先行比較可能最出現的效果。始終市場上好多冷凍溶脂平價貨，但同時佢哋都係劣質貨、山寨貨。效果根本冇辦法長期維持，好快就會反彈。
冷凍溶脂價錢其實相差都幾大。小型或者單次收費美容院，收費其實都幾平，$2000一次都有得做，不過多數並非Coolsculpting而係比價錢比較平的其他類型機器。某部份單次收費美容院所使用的Cool4D、Mi Cool，價錢可以低到$1500就可以做一次，當然減肥整體效果不相同。如果你使用美國Coolsculpting亦都要求使用最新一代Elite的儀器，冷凍溶脂價錢可以高達$8000一次。下面會再詳細提供價錢表：
所以當大家去分析究竟冷凍溶脂價錢之前，首先要了解究竟你自己買緊乜嘢，預期希望有乜嘢效果。
因為市場上的確有好多同類型的機器，不過當種級數、技術、安全程度、文獻支持等等，其實都唔同。唔係話平就一定好，貴就一定有問題。好多時候價錢同效果都係有關連。價錢太平，又或者過分側重所謂的單次收費，其實都有問題。
以下係比較合理的冷凍溶脂單一部位收費範圍。唔好太過片面地相信網上的所謂冷凍溶脂療程價錢資料，尤其係美容院自行提供、官網上自行公布的數目，通常都會講細個數目好多，吸引客人去試吓。上到去真正價錢一定貴好多。以下就係真正範圍水平：
Coolsculpting Elite: $40,000-$60,000
Coolsculpting: $20,000-$40,000
Mi Cool: $15,000
Cool 4D: $15,000
當然其實同其他美容療程一樣，最終折扣，實收嘅數目，其實好取決於兩者之間討價還價最後結果。所以建議大家最好都係先行去考慮一下自己是否具備相當金錢預算去完成冷凍溶脂療程。
問：冷凍溶脂效果點樣先叫做好？如果只係做一次有無用？
答：有關冷凍溶脂效果問題，其實需要去詳細為大家講解。因為實在太多人出現誤解的情況，有人甚至以為俾錢就可以解決肥胖問題。但其實根本係完全兩回事。
每一部醫學美容儀器，設計嘅時候其實都有特別去討論同埋好清楚咁定義，究竟應該有乜嘢效果。以冷凍溶脂作為例子，市場上好多質素普普通通的美容中心多數第一個賣點，就話冷凍溶脂獲得FDA認可，但其實聰明消費者，就會識得問究竟FDA認可乜嘢？
冷凍溶脂獲得認可的效果，主要係幫助甩走一部份的脂肪，身體線條改善(body contouring)的效果。冷凍溶脂從來唔包括「減肥」效果（weight loss)。
如果你現時去開嘅美容中心經常同你講冷凍溶脂主要效果可以幫你減走部份磅數，其實已經係錯誤理解、甚至錯誤銷售。
搵返所有有關的廠方資料，冷凍溶脂效果其實真係改善線條，同減輕體重係無關。如果你要減輕體重，同一時間有改善線條，令到肚腩、大髀、屁股等等冇咁龐大，其實會建議你進行包含「營養指導、食療」與及「做機減肥」兩個層面的療程例如熱光溶脂，效果會比較明顯。
所以如果你問，究竟點樣先叫做冷凍溶脂效果好？其實如果佢可以令極大個肚腩變成大肚腩，就已經完成佢嘅歷史使命，達到佢應該有嘅效果。唔好妄想仲有其他減輕體重、緊致身形等等效果，因為部機本身唔係設計咁樣用。
至於如果只係做一次冷凍溶脂有無用，其實都建議最好有預算做多幾次，因為機器本身每次減走大約20%，其實如果實際操作可以達到呢個效果水平，已經係幾盡、效果幾明顯。一般人其實唔係每一次都可以保證獲得呢個水準同效果，所以最好預算上係要做幾次。
問：冷凍溶脂邊間好？療程效果上有咩分別？
答：視乎你想要乜嘢效果。市場上比較大型的連鎖集團都係使用Coolsculpting Elite。中型的醫生診所大部份使用上一代的Coolsculpting。平價單次收費美容中心，大部份都傾向使用韓國的技術例如Mi Cool等等。好視乎你自己幾想盡快見到效果，同埋個人預算等等。
不過大家要留意番，任何品牌的冷凍溶脂，效果都並非即時可以見到。因為機器設計其實需要人體自行排走死亡細胞的機制，即係話，療程之後需時三個月以上才會見到效果。
如果你本身願意花費約$50,000以上，其實建議你去大型的醫學美容中心進行，整體安全性比較高。如果你本身唔想花太多錢進行纖體，只係想可能改善某部份身形，直接進行熱光溶脂，整體價錢比較平。
問：家用冷凍溶脂有無用？
答：大部份情況下，家用冷凍溶脂效果絕對有疑問。其實都可以直接跳過！稍為有科學同邏輯性思考去分析，就已經可以了解到點解大部份家用的冷凍溶脂機效果唔會太明顯。除咗低下的價錢顯示到當中分別之外，其實有更為具備科學理據、物理性嘅原因，導致大部份家用機都未必可以做到效果。
真正大型醫學美容中心使用的冷凍溶脂機器，需要30分鐘以上連續發放冷凍能量與及吸力。大部份家用機本身其實係通過USB去叉電，究竟一條USB電線可以傳送幾多電力，是否能夠連續30分鐘高能量去發放冷凍波，已經幾清楚話到俾你知效果與及分別會係點樣。
另外一點有關家用冷凍溶脂機效果問題就係覆蓋範圍，市場上大部份的家用機覆蓋範圍極細，只能夠做極細的部位如雙下巴，基本上係唔能夠處理肚腩。
問：市場上比較安全的減肥纖體療程是什麼？
冷凍溶脂係醫學美容市場上面其中一個具備歷史，亦都較為安全的纖體方法。不過現時新一代的減肥機例如熱光溶脂，都能夠做到安全纖體的效果，而且無需好似上一代技術咁樣等待最少三個月先見到初步成效。如果啱啱開始做機減肥，建議都係熱光溶脂開始，價錢會比較平，而且快見到效果。
Social Plugin