你以為肥就一定大波？錯！胸部發展其實需要身體營養正常。香港大部份人食好多卡路里，但偏偏餐廳與及外賣食品營養不足。卡路里過多但又營養不足，就導致胸細肚腩大的身材問題！美容院減肥機近幾年都流行，除了舊式的傳統冷凍技術之外，亦出現了不少的隔空溶脂、熱能減肥機等等，究竟美容院減肥機減肥儀器有用嗎？
- 美容院減肥機有用嗎
- 美容院減肥機現時有邊幾種
- 究竟現時的美容院減肥機係邊度出產？
- 家用減肥機和美容院減肥機的主要分別？
問：美容院減肥機有用嗎？
答：對於減肥纖體的機器真係多咗好多！以前就比較集中於高級的美容院先有做機減肥服務，由於效果出眾，最近甚至部份單次收費的美容中心、甚至山寨小店都有提供！最近，更有大量的所謂家用減肥機推出市場。連鎖電器中心，都有得賣所謂的家用減肥機。當然效果係一般般啦。
如果真係有興趣了解減肥機，最好都係跟返國際的大型標準，比較安全同比較有效果。
美容院減肥機、溶脂機器是否有用，其實並唔係某間美容中心、某個儀器生產商可以隨隨便便去下定論。因為外國其實係有大型研究，一定要先行了解當中的科學根據、做機減肥的效果、有可能出現的副作用等等，再去判斷是否適合推薦出市場。外國的大型機構例如FDA、CE、KFDA，與及相關的醫學機構科研組織，其實都研究過不同美容院減肥機的效果。到現時為止，有三類型的機器獲得良好正面的反應，專家們都相信係屬於有用有效果。下面就會為你逐一去講解。
其實好多人都心思思，想減肥，但又驚去到美容院做減肥機會俾人hard sell。所以好多時都出現又想問但又驚的情況。其實美容院減肥機的確係有效，但只限某部份品牌、某部份技術、同埋要做足夠的次數！
問：美容院減肥機現時有邊幾種？
答：其實現時香港的減肥機主要可以分為三大類型。
冷凍類型 (eg Coolsculpting)
電磁波隔空類型 (eg Emsculpt)
熱能類型 (eg SWISS REJU 熱光溶脂）三種其實都有用，不過當中的原理與及可能出現的副作用並不一樣。適合進行其中一樣，未必代表你適合進行第二樣。好視乎你實際的脂肪分布與及身體狀況。
冷凍溶脂類型的美容院減肥機歷史最耐，比較有市場知名度，但並不屬於最新的技術了。近年一些新技術，例如電磁波隔空溶脂、熱能光學技術等等，都彌補了舊式傳統的技術限制。
如果對於新手來講，屬於有大肚腩、肥胖鬆弛問題，通常熱能光學技術效果會比較好，但始終都要睇返個人情況，不能一概而論。
問：究竟現時的美容院減肥機係邊度出產？
答：其實現時香港有規模的美容院、大型醫學美容中心見到的減肥纖體機器，多數來自四個地區：以色列、韓國、美國、英國。這四個地區的美容機器係屬於主流的生產區域，具備不少科研經驗，屬於有規模的生產商，所生產的減肥機效果和安全程度比較有保證。
不過，以上情況並不適用於單次收費、或者價錢太平的廉價美容中心。這些欠缺規模的美容中心，多數使用大陸生產的減肥機，大陸東莞其實有幾個大型工廠，專門生產美容類型的機器，包括家用減肥機與及美容院商用的減肥機，兩種都有，有部份產品甚至可以響淘寶搵到。不過這些機器其實只係屬於工廠貨色，始終冇經過任何國際性測試證明有效果，亦都冇辦法證實係安全。可惜，部份位於觀塘工廠一帶的低價錢美容中心，就經常為咗貪平，引入內地製造，欠缺相關安全認證的機器，導致出現好多有關減肥機受傷、效果問題的糾紛。
更離譜，亦都有部份單次收費的美容中心，為咗可以獲得最大利潤，甚至引入印度製造的減肥機，令人非常不安。
你去美容院做機減肥首先要問清楚機器生產地係邊度！如果有任何含糊其詞，答唔出以色列、韓國、美國、英國，即刻走！因為多數都係大陸機或者印度機，山寨機的機會極高。
所以如果你正考慮參加任何類型的美容院減肥機療程，而你自己本身唔熟悉相關的出術位置，其實建議你向比較有聲譽的醫學美容中心查詢，通常正經經營的醫學美容中心唔會做極低的價錢，但因此你唔需要擔心會被hard sell。
問：美容院溶脂機有什麼副作用？
答：其實會因應減肥機的種類不同，副作用亦都會不同。其中一個比較常見的例子，就係冷凍溶脂，專家最近就發現原來有機會導致脂肪組織不規則生長的副作用！
之前專家證實並非每個人都會對減肥機有良好的反應，有少部份的參加者進行冷凍之後，就會令到接受療程的範圍出現了脂肪組織的不規則增長！最後需要用手術的方法去改善和解決。
電磁波類型的機器亦都有相當的副作用，例如做完之後係會出現短暫的酸軟、不適的感覺。
問：家用減肥機和美容院減肥機的主要分別？
答：家用的減肥機和美容院的減肥機主要分別在於能夠的輸出。現時市場上可以買到的家用減肥機包括Glycel 、Jujy、Yaman等等，主要設計係屬於需要非常密集地使用，才能見到效果。家用機如果要成功推出市場，一定要獲得主流的連鎖電器中心肯幫你上架。而其中一個無論香港定日本韓國都一樣會有的要求，就係一定要證明產品本身係安全。
要做到產品係相當安全，就一定要喺能量輸出方面作出調整。所以任何類型的家用減肥機，能量係冇辦法同商用的大機相比，實在相差太遠！
而且，家用機的設計其實係主要比一個人自己使用！所以有部份身體部位例如後腰、臀部、後大髀等等位置，其實家用減肥機係做唔到。
事實上如果你參考外國的網購網站，唔少曾經購買家用減肥機的消費者評論，對於效果本身都係中規中矩，效果未能夠完全說服好多人。
家用減肥機只係適宜用作維持的用途，但如果你想短時間內減走大肚腩，都係正正經經搵有規模的醫學美容中心進行減肥機療程。
問：網上常見的震動減肥機有用嗎？
答：久不久就會聽到有人話，脂肪可以震走！？網上亦都可以見到有不同的震動減肥機，聲稱可以通過震動去達到破壞脂肪的效果。呢類型機器係咪真係可以達到纖體效果？其實震動係的確可以改變脂肪狀態，但絕對唔係就咁震！
市面上見到大部份嘅震動減肥機，原理上都有問題，因為對於震動原理錯誤理解。的確科學有研究過有關震動與及脂肪細胞兩者關係。所謂震動可以改變脂肪狀態並唔代表你成個人喺度震，或者部機喺度震！
要震動減肥，其實係要用超聲波的高頻率，直接於相關的脂肪細胞上面進行cavitation 的動作，只有極為集中的超聲波能量才可以改變脂肪狀態。
Social Plugin